2020 年 3 月，台灣政府有關部門對投資移民嘅要求有所更改，詳情可以睇哩篇文「最新投資移居台灣要求（HF162）」。以下係我地2017年嘅親身第一手經驗，程序仲可以參考下。
我地平時到台灣旅行探親，最方便係申請單次入台證，每次最多逗留台灣一個月。如果想留耐啲，可以申請一年或三年多次往返嘅入台證，每次進入台灣最多停留三個月，每次可以申請延期一次，夾埋最多住六個月。六個月之後就一定要離開台灣一次。
有啲朋友唔熟台灣哩啲規定，在台灣買左樓後先至發現自己唔可以在台灣長期居留，最多只可以用哩啲多次往返嘅入台證。因為 1. 在台灣買樓係唔可以用來申請移民嘅；2. 在台灣買樓係唔可以用來申請移民嘅；3. 在台灣買樓係唔可以用來申請移民嘅。真係好重要，到而家都仲有人問，所以要重覆三次。
要在台灣居留長一啲嘅時間，台灣政府對香港及澳門永久居民設咗個特別寬鬆嘅移民渠道。原則上，佢地唔叫做移民，因為對於台灣政府黎講，香港人及澳門人都係中華民國嘅國民，過程中，國籍冇變過，所以佢地叫哩啲做移居。要留意嘅係，如果你有其他國籍，咁就唔可以用哩個渠道移居台灣。
香港嘅國籍法跟中國大陸，唔承認雙重國籍，不過對於香港政府黎講，台灣唔屬於外國喎，所以，香港人在台灣定居後，仍然可以保留香港嘅身分證及特區護照。
好嘞，咁哩個特別寬鬆嘅渠道係咩呢？就係在台灣開設一間資本額台幣600萬嘅公司，提供良民證及驗身報告（包括照肺X-Ray，驗梅毒、HIV/AIDS，德國麻疹免疫力），再搵個有台灣身份證同在職證明嘅台灣人做擔保人，就可以全家每人申請一張有效期為一年半嘅居留證，揸住張居留證，就可以在台灣長期居留嘞。批咗張居留證俾你，你又真係在台灣住落黎，台灣政府就會接受你申請定居，定居申請又批咗之後，就要在台灣設戶籍，申請身份證及護照，獲永久居留權及享受台灣嘅福利，有權投票選市委、立委、總統。點樣先至算在台灣住咗落黎？有兩個選擇：
- 居住台灣一年，期間冇離開台灣超過30日；
- 居住台灣兩年，期間每年離開台灣唔超過三個月。
咁張居留證只有一年半期限，點樣住到兩年呀？好明顯就係夠期就要續啦。
點解我話佢好寬鬆？第一，哩個渠道，淨係對間公司嘅資本額有規定，除此以外，每年做幾多生意，交幾多稅，請唔請伙記等等，完全冇規定，只要你有運作及報稅。600萬台幣是公司資本，使幾多錢完全視公司業務需要而定，我見過啲朋友做咗一年冇咩生意，最後使咗/蝕咗50萬台幣，一樣獲批定居申請。公司內嘅閒置資本，做定期存款又得，開個股票戶口買台股、港股、美股都得。第二，住滿一年就可以攞到永久定居，真係冇咩國家咁短嘅時間就俾你。話就話要你做生意，但係一盤生意做咗一年貨仔，咩都係起步階段，然後佢就可以批准你定居嘞，要求可以有幾高？所以我再噚氣講多次，哩個渠道真係好寬鬆，明益香港人同澳門人。
經常見到唔同國家嘅政府官方移民網站有聲明：委託移民顧問及親自辦理移民手續係會獲得同等對待嘅。我初期都想試下自己搞，唔搵移民顧問慳翻筆錢。於是，我就 Google 咗啲台灣嘅會計師嘅聯絡方式，請佢地幫我在台灣成立公司，見倒有啲會計師仲話可以幫手申請埋居留證添。不過，佢地全部都唔覆email唔覆Skype，聯絡方法就有咁多放咁多出黎，但係就唔睇，有生意都唔想做，唔想做都唔覆你。最後俾我搵倒間台灣移民顧問公司，專幫台灣人移民出去國外，應該係見倒有香港人想移民台灣，所以專門在香港開咗個office接哩啲生意。最後，我就委託咗哩間顧問公司幫我搞嘞。
講到哩度，要解釋一下點解從想自己搞變咗搵人搞。
自己搞移民雖然最終都應該會搞得成，但係咩都要由頭學起，中間需要花好多時間及精力去研究。當時我地屋企有個一歲BB，想要有一段長時間靜靜地、慢慢睇資料同預備文件都好難。一家老幼一齊搬過去台灣，最重要係順順利利，唔好搞到欠咗啲咩文件又要飛翻過香港搞，搞到BB及老人又擔心又舟車勞頓，就好麻煩。第二，我地一心諗住在台灣經營間公司，大展拳腳，發揮所長，不如放啲精力響間公司度，搞好盤生意好過。第三，間顧問嘅收費都好合理。
咁多間移民顧問邊間好呢？我就冇認真研究過，只能夠將我地嘅第一手經驗詳細分享一下，等大家自己判斷啦。我點解我地搵哩間移民顧問？
第一，上面都講咗嘞，就係佢地收費合理。
第二，我地諗咗一個冇咩人做嘅生意模式出黎，佢地好開放咁照幫我地寫咗個 Business Plan 交上投審會。
我地投資600萬台幣開公司，係人都知道你有600萬可以使，去到台灣人生路不熟，好容易俾人呃錢，間顧問公司信唔信得過好重要。我地曾經參加過另外一啲台灣移民講座，無啦啦加插咗啲台灣樓盤銷售說明，有種俾人賣豬仔嘅感覺，即刻冇曬興趣。
好多想移民台灣嘅香港人（包括我自己），一聽到話要創業開公司，真係好想逃避，好想使啲錢搵人做咗佢，過咗骨就算。不過，哩個心態其實好易中伏。台灣政府對間公司嘅經營要求咁低（我又噚氣講多咗一次，我遲下再同大家講下我地出咗幾多力經營間公司啦），只要肯做少少野就可以達到政府嘅要求。採取逃避心態咩都唔想理，就好容易會被人乘虛而入呃你啲錢。
(Photo by Gareth Davies on Unsplash)
可唔可以介紹你用嗰間移民顧問俾我地參考? 感謝!
己經 email 給你。謝謝。
可否介紹你個AGENT俾我了解下? 謝謝你
已經 email 給你。謝謝。
可否提供你的agent資料给我？謝謝！
Email 已覆。謝謝。
你好！請問可以提供Agent資料嗎！Thanks!
請 check email
你好！可以介紹agent資料嗎？🙏🙏
Email 咗。
我都想要agent嘅資料🙏
你好啊😀可否介紹你用既移民公司給我？謝謝🙏🏻
請 Check email.
可以email agent資料給我嗎？ 謝謝
我 email 給你。
想知用邊間移民公司 🙏🏼 謝謝你
Email 咗資料給你了。
Hea 人先生，可否 email 移民顧問公司資料給我? 謝謝。
OK 冇問題。 Sent 咗啦。
你好，可否email埋顧問公司名稱畀我呢？謝謝你🙏🏻
email 咗
您好，可否email agent 資料俾我呀? 謝謝您! 🙏🏻
您好，可否email agent 資料俾我呀？謝謝您！🙏
OK. Email 咗俾你啦。
你好，請問可以介紹相關公司給我嗎？謝謝
No problem. 請check email.
你好 想知道agent資料， 感謝
OK. 請看 email.
你好. 可否提供你用的移民公司資料. 多謝
OK 冇問題. email 給你。
你好!想要AGENT資料, 感謝!
OK。email 咗啦。
你好,請問方便分享移民Agent的資訊給我嗎?謝謝
冇問題，我email俾你。