2020 年 3 月，台灣政府有關部門對投資移民嘅要求有所更改，詳情可以睇哩篇文「最新投資移居台灣要求（HF162）」。以下係我地2017年嘅親身第一手經驗，程序仲可以參考下。
講翻個移民手續先。到咗委託移民顧問簽委託合約嘞。哦！我地發現因為佢地係台灣公司，份合約係受到台灣政府規管嘅，有齊曬啲 Cancellation Terms，客人去到邊個步驟縮沙就要俾幾多錢，又可以退翻幾多錢，萬一申請唔倒居留，咩情況下顧問公司要退錢及額外賠償幾多錢等等，都有寫得清清楚楚。
開波簽約要佢地開始做野就俾一半錢，到佢地幫我地申請到居留證就俾埋尾數。對於我地黎講，攞倒居留證只係行咗一半，要攞到定居權先至叫完成架。不過佢地話跟住落黎只要住在台灣，run住間公司，呢啲野其實係要個客人自己做嘅，所以合約唔會寫明包埋成功申請定居。但係到時申請定居時，佢地都會繼續提供資訊及說明俾我地。咁都 fair 嘅。
移民顧問根據我地嘅 idea 寫咗個Business Plan 交上去投審會，好快就批准咗嘞。不過唔好問我攞個 copy，因為份 Business Plan 我真係見都未見睇過，掂都未掂過。
下一步就係去幫自己間公司開個銀行戶口，要飛去台灣搞。大家如果有睇過啲移民資料，都會發現在台灣開銀行戶口係好難嘅。我地間移民顧問公司可以搵倒間相熟銀行，派個分行經理上佢地 office 填表，唔使去銀行排隊，有豪華嘅感覺。台灣公司，全程仲派咗個專員在地跟進。哩個專員以後都會出場，印象中佢講國語好快，我就叫佢做「急口令哥哥」。不過後來發現係我啲國語太差太慢，來到台北發現好多後生仔都係咁樣講嘢嘅。
開咗戶口之後，我帶住啲資料翻到香港，就要匯錢去公司戶口嘞。突然諗諗下有啲怯怯地：自己會唔會成為一個騙案嘅主角呢？佢話就話係銀行經理，有卡片，有銀行表格，但係都唔可以百分百肯定係堅架麻。於是我 Google 下台灣啲移民顧問公司資料，在台灣政府內政部移民署搵倒一個「合法設立並領取註冊登記證移民公司」嘅 list，響個 list 搵倒我地委託嗰間公司嘅名同地址，確認咗佢地係有牌顧問。咁樣先至安心匯咗啲錢過去。至於匯錢方式，我都有個心得可以慳倒啲錢架，有興趣就睇哩篇文啦。
除咗開公司之外，跟住落黎就係有一大堆文件要響香港預備，仲要驗身，申請良民證。自己搞嘅一定要預備定個 list，唔係整漏一樣又要飛來飛去搞。驗身報告及良民證係有期限嘅，所以要夾啱時間做。
飛過去台灣搞居留證之前，我地另外再飛多一次去驗身。驗身報告顯示我老婆對德國麻疹冇免疫力，本來佢再打一針預防針就OK，不過呢呢呢，我地整咗個 No. 2 出來，仲響個肚裏面。點解啲政府咁緊張德國麻疹，就係因為孕婦喺妊娠首三個月時，如果感染德國麻疹，就有可能誕下失聰、白內障、心臟畸形及智力發展遲緩嘅嬰兒。我地問過幫No.1接生嘅婦產科靚仔醫生，佢話啲德國麻疹疫苗係用真病毒整出黎嘅，如果哩個時候打預防針係有風險架。照咁講埋即係原本冇德國麻疹都變咗有機會患德國麻疹？如果台灣政府響呢個時候都仲要我老婆打預防針呢，咁我就情願唔移民嘞。移民顧問幫我地問咗之後，原來台灣政府都好講道理嘅，只要提供懷孕證明，就可以豁免打預防針嘞。
跟住就要搵屋住嘞。雖然都係租屋，但係都算係大件事，我個人好Hea，又孤寒，個腦又長期處於 idle 狀態，對於要決定一間屋啱唔啱一家人住，真係冇咩信心。要我老婆自己過去台灣搵咩，一來佢大住個肚，有啲擔心，二來No.1冇咗亞媽一定唔得。所以最少要一家三口一齊去。嘩！咁我哩個Hea人要帶住一個歲幾嘅 No.1 同埋一個孕婦，冇咩戰鬥力，所以要帶埋嫲嫲幫手睇住No.1，等我地方便去睇樓。但係要嫲嫲一個人在異地睇住個BB，佢又唔放心，我地又唔放心，所以又要叫埋婆婆幫手。咁叫得婆婆一齊去，又無理由唔叫埋公公。於是乎，我地一行人兩大一小三老，總計6.25個人，就浩浩蕩蕩咁飛去台灣申請居留證同搵屋住嘞。計計埋埋都要一個月，要搵一個個地方唔長唔短咁住咁多人，唔容易。於是我地上Airbnb搵咗間屋，三房一廳一衛一廚，諗住萬幾蚊港紙30日住住先啦。我地曾經去歐洲玩時都有用過 Airbnb，印象唔錯，點知台灣啲 Airbnb真係良莠不齊，去到都感到伏伏地，住落確認真係有伏。但係我地咁大棚人要再去搵地方住認真難搞，唯有頂硬上，住落去。好彩我地申請居留證及搵屋都好順利，住咗兩個幾禮拜就可以翻香港 ship 啲家當來台灣嘅新屋嘞。講講下又離題，哩啲唔係移民手續黎，同移民顧問又無關，哈哈，又講多咗添。
暫時住咗落來，急口令哥哥就帶住我地去完成申請居留證嘅手續，首先係幫自己間公司去稅局報到，公司開始營業嘞，然後就約埋擔保人去廣州街移民署交表。等咗兩三個星期，急口令哥哥就通知我地啲居留證整好喇。比原定時間多咗幾日，因為台灣移民署收到申請表後先至會叫香港嘅辦事處 send 份良民證來。
攞倒居留證後，我地好充實咁在台灣住咗一年嘞，移民顧問介紹嘅會計師幫我地預備咗份營運報告，我地跟住移民顧問俾我地嘅 Checklist 數齊啲文件（其中要靠人俾嘅，就係房東嘅房產稅單及同意書，用來設戶籍用），交翻去內政部移民署，過一兩個星期就收到通知話批准定居嘞。跟住仲有以下步驟先至完成定居手續：
- 攞倒份批准定居通知書，去你果區嘅戶政事務所初設戶籍及申請身分證。無咩特別需要嘅話，細路係唔使申請身分證嘅。戶籍謄本及身分證即日可取。
- 去外交部申請護照。(超快！遞交表格7日後可取。)
- 如要出境，要使用台灣護照。
就係咁，我地一家四口，就有三個成為台灣嘅國民嘞。另外有個在我老婆肚裡面帶過來台灣出世嘅，仲未係台灣國民，點解呢？下回分解。
(Photo by Jordan Sanchez on Unsplash)
看完你的文章， 讓我對移民台灣有一個更清晰的圖像， 十分感謝你的分享。 請問你用了那一間台灣移民顧問公司？ 另外利用ib轉換港元去美金， 如果不是大額戶（ 長期存放十萬美元資本）， 是否需要給予每月10美元的手續費？
謝謝你的讚賞，我會努力寫多啲分享文章，Hea 少啲。其他問題我email 復你。
你的文章對整個移民過程講解很詳細及仔細，對我考慮去台灣移民有很大幫助，真的謝謝你的分享。想請問你是用了哪一間台灣移民顧問公司？
Hi Nicole
謝謝讚賞，你的問題我 email 回覆你。
我也有個no2在肚子裡，謝謝您的分享，直頭係漆黑中嘅螢火蟲一樣🥲，請問可以要移民顧問的資料嗎，謝謝您。
呵呵呵。我寫哩篇文嘅時候，諗住都係寫黎俾自己做個記錄。估唔倒都可以幫倒人，實在太好啦。有咩問題即管同我講，唔使客氣。我知道幾多，就會講幾多。我先 email移民顧問資料俾你。
謝謝你的分享, 很詳細, 字裏行間很活潑, 令原本令人很苦惱的事情都變得有路可依。不簡單!
我亦希望知道移民公司的資料, 感激你。
Hi Josephine，謝謝你的讚賞。有大家嘅鼓勵，我就會寫多啲。你睇，我又寫咗篇在台北讀幼兒園嘅實況啦。移民顧問我email回覆你。
Thanks for your sharings! Please email me your agent information.
謝謝你詳細的分享，可否電郵你的移民顧問嗎？感激
你既分享對我們想移民台灣既人好有幫助，多謝你咁用心，可以俾移民顧問資料我參考嗎？
謝謝讚償。移民顧問的資料我email你。
Thank you so much for your sharing, very detail and most helpful. Would you be able to share which immigration consultant you used? Thanks
剛剛看到你的文章，我與先生亦在苦惱找那一間移民公司較可靠，可否回覆你的agent 作參考。謝謝。
Thanks for your detail info. Could you email me your agent info? Many thanks.
Please check email.
Thanks for your detailed sharing. May I have the agent contact? Thanks.
Thank you. Please check email.
immigration agent please
謝謝你的分享！全個申請過程你覺得哪方面最為困難？另外可否提供你的移民公司給我？謝謝！
我地當年用移民顧問，移民個案又唔多，手續上當好順利。比較麻煩係要諗個生意出來。當時老婆大住個肚行動不便，在台灣搵屋都比較麻煩。如果要自己搞，開台灣銀行戶口都唔容易。聽聞現時對盤生意嘅要求高咗，批前要睇下有冇相關經驗，批准咗要營運三年，騁用台籍員工。哩方面，難度真係高咗。移民顧問資料 email 俾你。
Nice one, i got more clear pictures about TW now.
Mr Hea, May i please please have your agents contact.
THanks in advance.
Information emailed to you. Thank you.
can you share your agent details please?
I’ll email you the info