（舊文一篇，講下我地同台灣嘅淵源）
剛剛呢個週末，趁航空公司有特惠機票，拼埋個禮拜五，去左台南玩三日，累積了一些有用資料，在此一記，方便大家。
點解唔去台北，去台南？如果去台北呢，就要飛桃園機場，步出機場後，還要坐一個幾鐘頭巴士至到台北，反而如果去台南，取道高雄機場，步出機場便是捷運站（地鐵），只需坐二十分鐘就可以到火車站，再坐多半小時的自強號火車就可抵台南了。雖然兩者時間差不多，但是，那種一步出機場就覺得已經融入當地的感覺，桃園機場係唔會有的。而且，坐台北的機場巴士總是令人覺得唔係咁舒服。我地去得果三日，就梗係最好一到即刻玩啦（唔好意思，其實我覺得去旅行時，坐當地的公共交通工具都叫做玩架）。呀⋯⋯重有重有，去台北如果坐國泰機呢，果份飛機餐呢，就真係算把啦，而去高雄，坐港龍機，佢份飛機餐反而有些少誠意。
預訂民宿
台灣的民宿雖然多，但是水準可以相差很遠，要住得開心，就要睇多些人的評價了。今次住了台南金花旅店性價比很高，旅店有五間房間，我們預早一個月預訂都也已經開始有其他人預訂房了，唔係你話想要邊間房就有邊間房。雖然正式手續是要預付訂金的，老闆考慮到匯款的費用高，也就酌情處理，讓我們到時入住才找數。當時正好傳出有兩個港女在台灣住霸王宿不特爾，還大肆破壞別人的房間……好在我地香港人的信譽還不錯，老闆沒有因為呢單新聞而不肯留起間房。兩晚合共台幣3700，包早餐。
預訂好民宿後，有朋友想加入，由於金花已經爆滿，我地用agoda.com找倒附近的安平渡假窩，兩晚台幣約2800，唔包早餐。價錢相差不遠，唔包早餐可能環境會有更好賣點，而且，睇相都OK吖。嘿！咁就乃野啦。窄長的房間，放了張床褥，床架都冇，好有拍日本AV的感覺。雖然有窗簾，但是原來個窗已經封左，密室一間，雖然衛生尚算可，但如此房間，兩晚本應只值台幣1000吧。大家找民宿時千萬別貪方便，要多睇用家們的評價。
交通
由高雄到台南每小時約有二至三班火車，出發前可以網上用護照號碼訂票，信用卡付款後把取票的文件印出來即可，預早一星期就可以，太早的話反而有很多班車未發售。十分欣賞台灣鐵路的服務，我們比原定計劃早了一個多小時到火車，一個唔該就換左早一班的火車。
睇主場新聞有篇文章介紹台南，說是午睡和散步的好地方。的確如此，時值三月底，午間的陽光看似不甚猛烈，但在戶外多站一會已經讓人快要中暑。所以，如無必要，不如躲進民宿午睡，或者到咖啡店坐坐吧。所以，訂機票時，不用訂太早的班次。我地在香港零晨五點半出門口，坐8:00的飛機，到台南剛好正午時分，烈日當空，民宿又未可以入住，又唔夠瞓⋯⋯雖則去旅遊，早機去晚機返乃最好的安排，又唔使好似今次去得太盡，遲兩個鐘出發就剛剛好。
(Photo by Chromatograph on Unsplash)