最新 update，有讀者2024年到香港幫BB辦居留權手，歷時6星期。詳情 Post 在樓下 Comment 中。
首先要解釋一下，點解我地搞完投資移民手續之後，依親移民又關我地事。
話說我地一家四口有三個人完成咗移居台灣手續，設定咗戶籍嘞。但係仲有個在台灣出世嘅 No. 2 要辦理移居台灣手續喎。大家（包括移民署嘅職員）都會問：佢唔係喺台灣出世嘅咩？點解仲要搞移民手續嘅？
呵呵呵，大家響香港見得太多雙非嘞，以為啲BB響邊道出世，就一定會享有當地嘅居留及公民權。其實呢，全球195個國家之中，只有35個國家係純用出生地原則（Unrestricted Jus Soli, Birthright Citizenship）去決定人嘅居留權，另外仲有20幾個國家係用有限制嘅出生地原則（Restricted Jus Soli）去決定居留權。而其他嗰百幾個國家就係以血緣（Jus sanguinis, Right of Blood）嘅原則去決定一個BB嘅居留及公民權，而台灣就係其中之一嘞。所以雙非哩條橋喺台灣係唔work嘅。
我地哩個 No. 2，唔遲唔早，就揀咗響我地以居留證在台灣居留，仲未入藉台灣嘅時候出世。對於台灣政府黎講，哩個BB係居台香港人嘅後代，並唔係台灣人，就算佢父母後來入藉台灣，BB都唔可以即刻跟埋一齊入藉，因為佢嘅身分係喺出世嗰一刻決定嘅。響哩個情況下，佢只有張婦幼診所發出嘅出生證明同一啲醫療記錄，唔會有建保卡，冇得讀公立幼稚園，亦都冇旅遊證件，正式係無證BB。
咁點樣整翻啲證件俾佢呢？第一步就係要幫佢申請翻啲香港證件。香港永久居民在外地所生嘅中國藉子女，係享有香港永久居留權及可以申請香港特區護照嘅。第二步，因為佢嘅父母（即係我同我太太）現時已經入籍台灣，哩個喺台灣出世嘅香港BB就可以用台灣嘅依親移民程序攞台灣嘅身份嘞。係唔係聽落都覺得轉折呢？以下係我地做咗嘅步驟，好大工程架，敬告大家，無咩事就唔好校正喺哩個時間生喇。如果你同我地一樣，咁啱都係咁，你有福啦，我而家寫曬我記得嘅要注意嘅地方，等你行少啲冤枉路。唔用廣東話寫住，寫翻書面語，等你理解得準確啲。
我們幫小女申請香港居留權的程序叫做「核實香港永久居民身份」。
1. 我們去信香港入境事務處求助，說明在台灣居留期間生了小孩，小孩不具備申請台灣身份證明文件的資格，但是有成為香港永久居民的資格，所以需要回香港辦理相關手續。
2. 入境處回覆，除了要求我們填寫相關表格外，還需提供出生證明及診所的醫學病人記錄、孕期照片及出生後的生活照片等等。要求我們提供大量輔助文件，也許是因為我們是到了女兒快一歲的時候才提交申請，入境處有疑慮。我們女兒的一些資料在出生證明和醫學記錄上有出入，建議自己先核對一下，有問題請診所改正。
3. 孕婦持居留證住院，文件上的號碼是居留證號碼，記得先掃描留記錄。因為申請定居後，居留證就會被收回。亦記得要求醫院/診所多發幾份出生證明，因為申請期間，文件繳交後都不會獲發回。當時我們只有把出生證明拿給醫院/診所所屬行政區域的民間公證人做驗證/公證，但是公證人也有建議我們拿到外交部做驗證。
4. 最好先諗好小孩的名字，以便填寫在出生證明上，否則會沒有正式文件證明親子關係。一般會在戶籍謄本上顯示，但是因為小孩還沒有台灣身份，所以即使之後父母已經取得台灣身份證和在台灣設戶籍，戶籍謄本上也沒有小孩的資料。我們是女兒出生後才改名，後來也沒有在她的出生證明上加上名字，以至於有許多麻煩。
5. 隨後入境處打電話給我們問了一些問題、索取補充資料等，所以最好有一個香港的電話號碼（可用Skype）或找一個香港的聯絡人。數月後，入境處發出一張臨時入境許可給我們女兒，需要親自或授權親友到入境處領取。
6. 拿到香港的臨時入境許可後，就到台灣移民署申請出境許可。由於這張出境許可一星期即可批出，而且有時效性，所以建議等收到香港的入境許可才去申請。
7. 台灣的出境許可及香港的入境許可證齊備後，就可以出發去香港。由於女兒沒有任何一個國家的護照，這種情況極為罕見，所以航空公司職員需要再三跟兩地的官員確認後，才肯讓我們登機，花了很多時間，晚了幾班飛機才能上機。建議預先準備一張說明來龍去脈的文字敘述，甚至加上 Visual Aid 圖解時間線，讓航空公司職員懂得如何跟兩地官員正確地說明情況，加快簽發登機證的時間，避免延誤。即使到了登機閘口，職員看到沒有護照，也會需要再確認一次，所以回香港那天要早一些去機場，也不要訂太晚的機票，萬一用多了時間去聯絡確認而誤了航班，也可以安排坐下一班機。
8. 到香港後要盡快去入境事務處核實小孩的永久居民，因為單是這個步驟就要六星期。
9. 完成後核實手續後，獲發一份名為「核實香港永久性居民身份證資格申請結果通知」的文件。這份文件十分重要，務必好好保存。憑此信件可以為小孩申請特區護照及香港身分證。領取這份文件的之後，我們就立刻去詢問處拿了申請特區護照的表格。
10. 網上預約申請護照通常要等至少一兩個星期，不想花時間等的話，可以一清早去入境處排隊拿即日申請的籌。
11. 有特區護照就可以申請入台證，無需回鄉證，因為小孩不是在大陸出生。
12. 如果急於去大陸，要申請回鄉證，可以用「核實香港永久性居民身份證資格申請結果通知」申請回港證，即日可取。有回港證就可以預約申請回鄉證，通常需要等數個星期，但比起等拿到護照後再申請，可以快一兩星期。如果想再快一點，就要申請單次回鄉證，可以即日提交申請。申請回鄉證時，需要提供關係證明，申請時亦要解釋為什麼嬰兒沒有戶籍謄本。
好嘞，完成咗哩啲程序，就終於攞倒香港特區護照及身分證嘞。我地尚算順利，返香港之後一個步驟一個步驟咁進行，中途無乜阻滯，但係前後都用咗三個月。跟住落嚟申請移居台灣嘅步驟叫「依親居留」，程序簡單好多。
13. 到台灣後，去移民署辦依親居留，去完一次遞交申請後，可以要求把居留證郵寄給你。
14. 小孩出生時就在台灣，一直都是用台灣的疫苗注射記錄，不用驗證。
15. 居住台灣半年沒有離境後，可申請健保卡。
16. 一年後辦台灣定居。
(Photo by Dakota Corbin on Unsplash)
想問下如果我同你情況一樣，但如果我自己入籍後打算翻hk。咁我既no 2 bb可否到佢大個覺得有需要要依親移民？
據我所知，台灣依親移民應該冇年齡限制，所以應該冇問題。
你好，同你一樣，請問出生證明如何加上小孩的姓名？我曾打去出生的醫院問，對方說不能加姓名
你好，請問你的小孩的出生證明上的姓名如何加上去？因為我曾問過醫院，對方說不能加名，因為沒有戶籍
小孩的出生證明一直都冇加上名字。都是用佢嘅出生日期時間和父母的名字來確定佢嘅身份。佢最後在台灣攞咗戶籍後，都是用戶籍謄本，所以都冇去加翻名字上出生證明。第一次帶佢翻香港申請護照之前，記得攞多兩三份去公證人做認證。我唔知係唔係必須步驟，但是萬一要做，就要飛多一轉。我地攞住一張冇名字嘅出生證明，未攞到戶籍謄本前，唯一遇到小小嘅阻滯就是幫佢申請回鄉證時要寫信解釋。其他在香港有關嘅步聚都冇咩問題，需要時間而已。
多謝你既回復~ 請問你地由申請到香港入境處批出單程入境，用左幾耐時間？
我地大約等咗9個月就有張臨時入境證，中間會收到份確認信話會處理我地個個案。攞倒張香港入境證後，就可以去廣州街個移民署申請台灣嘅出境證。去到機場時，啲職員見到個BB冇護照就要先同香港果邊聯絡，確認可以入境，先至會俾張Boarding Pass我地。哩個時候，你就要預備定啲 Visual Aid，寫曬個時間線出來，解釋一下點解個BB冇護照，未有身分。唔係佢地唔熟理解唔倒，同香港入境事務處嘅溝通會好亂，影響咗判斷。攞到張Boarding Pass 又會再問一次點解冇護照，又要同 check in counter 溝通。我地就係因為咁，坐遲咗兩班機。
明白，依家入境處初步回復左我地，仲要提供證明小孩在台灣沒有任何身份的證明，請問你地有無要呢樣？ 係要去邊申請？
係呀，係呀，差啲唔記得哩一part。我地都有被要求提供哩一啲文件。由於當年我地幫BB申請香港入境證時，自己手上已經有台灣嘅身份證，亦都有台灣戶籍。所以，我地就去咗自己果區嘅戶政事務所，好客氣咁解釋咗事性嘅來龍去脈後，請佢幫我地寫封信。由於冇咩先例，佢地都唔知點寫。於是，我就話，而家我來幫我個BB申請戶籍，如果你唔批准，就麻煩你寫一封信拒絕我。我就是需要這封被拒絕的信向香港入境事務處申請回香港。如果你重未有台灣身份證，拿住留證嘅話，可能就要去移民署試下啦。
唔好意思，仲想問一問，出生證明係咪比台灣的普通的公證人公證就ok?
我地係搵「地方法院所屬民間公證人」幫我地做公證嘅。致於搵邊個就要睇下你個BB在邊一區出生。
好多謝你咁好心機復我，咁我去移民處問一問先， 你地申請用左9個月咁耐，係唔係中間有欠好多文件要後補？ 我原本仲以為3個月左右可以搞好添
據我理解啦，唔知岩唔岩啦。我地幫BB申請翻香港，是根據一個規定：香港永久居民在外地所生嘅中國藉子女享有香港永久居留權及可以申請特區護照。响香港以外地區出生又係中國藉嘅，只要兩個地方，一個係大陸，一個是台灣。佢地可能將哩兩個地方嘅個案個在同一個部門處理啦。台灣哩邊個案少，但是，大陸果邊應該都幾多嘅，條隊可能好長架。再加上，我地哩類在台灣出生嘅BB，個案少，經驗少，時間就當然要長啲架啦。
嗯~明白 多謝你講到詳細要準備既文件，令我地唔使盲摸摸 真係非常多謝你~
你好，請問你地當時上機前聯絡兩地官員需要我地自已提供佢聯絡資料嗎？ 你有無保留當時的資料？
當時都係啲航空公司職員自己去確認，我地都唔知佢地搵啲咩人。
你好呀，我都同你一樣既情況，請問可唔可以以郵遞方式，直接郵寄所需既申請文件比香港入境事務處？而不需要親身帶住BB返香港
據我所知：唔得，個BB一定要身處香港，才可以申請身分證護照。
你好，目前遇到同你一樣嘅情況，請問申請核實永久居民身份嘅時候，你係填邊一份 form ？而家分咗有「單程證」及無「單程證」，但無「單程證」需要填入境時嘅 Passport 資料，但BB 邊有Passport…
核實永久居民的申請人大都是在大陸出生的 BB，所以張表設計係俾佢地用。我覺得你唔使太介意佢張 form。有咩就填咩，冇就同佢解詳話冇。
感激你的分享, 的確可以走少好多冤枉路
我9月都將會做爸爸, 最佳申請時間應該係BB 改好名後再申請?
另外我見到你提到回港後等香港身份證同護照都係需時6個星期嗎?
再次感激你的分享. 謝謝
BB改好名就煩少樣。時機就當然要睇你地屋企有冇其他因素啦。我就覺得越快申請越好。
留在香港等文件護照的具體時間唔係好記得，總之我哋申請完特區護照之後再申請回鄉證，夾夾埋埋都要成三個月。
明白, 我因為擔心岩岩出世唔知咩時間可以上飛機, 我諗住半歲左右先帶佢返去
至卡回鄉證應該唔會諗住搞, 搞掂身份證同護照就回台
你申請左香港的入境 permit 先啦，有排攪。張permit issue 後有三個月有效期，可以在香港居留12個月俾你申請文件。台灣的出境就可以等香港的 permit 到手先至攪，好快有，但是有效期只有10日。
最近 Update，有讀者2024翻香港，歷時大約6個禮拜搞好曬啊Ｂ嘅證件。以下係呢位讀者的資訊分享。十分感謝。
—–
我帶啊Ｂ返香港歷時大約6個禮拜搞好曬啊Ｂ嘅證件，想同你分享下而家最新嘅做法，希望可以幫到其他人節省時間。
＊「申請核實永久居民身份」而家只接受網上申請（https://www.gov.hk/tc/residents/immigration/idcard/onlineverifypic.htm），理論上啊Ｂ從機場一入境，就即刻可以用電話遞交申請。
＊「核實永久身份」可以網上check status(https://www.gov.hk/tc/residents/immigration/nonpermanent/appstatusenq.htm), status 更新比收到「居留權組」預約信早3-4日，所以可以check到status轉咗做「居留權組」預約後就即刻網上改早Ｄ預約日子（https://www.gov.hk/tc/residents/immigration/idcard/changedvappointment.html)，default預約日子喺兩個禮拜後
＊而家櫃檯申請特區護照一定要先經預約冇得walkin，但個預約長期都full到得返3星期後嘅最後一日，所以喺出發返香港前，我就用父母嘅資料分別幫啊Ｂ預約返港後第3、4個禮拜嘅日子，好好彩「核實永久身份」只係用咗2個幾禮拜，上完去「居留權組」第日就即刻可以申請 HKID 同 Passport.
＊由于啊Ｂ首次申請護照係連身分證一齊，雖然我有request快證，但都只能由10個工作天縮到7個工作天
＊非港澳出世首次申請入台證而家都只接受網上申請（https://coa.immigration.gov.tw/coa-frontend/overseas-honk-macao），所以成個過程啊Ｂ淨係要出席「居留權組」同申請特區護照就OK了。
＊入境事務處已經搬左去將軍澳，環境大同舒服好多，每層都有育嬰廁所，唔洗擔心啊Ｂ會等得辛苦。